UKUPHAHLA EMUTWINI OZIBULELEKO.
UKUPHAHLA EMUTWINI OZIBULELEKO.
Umtloli ngu-Sunnyboy Moloko Mtsweni, umtloli nomhlaziyi wesiNdebele
NgesiNdebele nangesintu umuntu ozibuleleko akaphahlelwa begodu akenzelwa nesibuyiso ngombana nawumbuyisako ubuyisa umkhokha ekhaya. Umkhokha lo ombangele bona azibulale.  Â
Akukho enzelwa khona ngombana uhlolile, wenze into engenziwako.   Kodwana njengombana esikhathini sanamhlanjesi umuntu angabhubha sekaba ngewombuso, begodu ubulungwa njengabo boke abantu, okuncono begodu nokukhandela umkhokha bona ungangeni ekhaya nangabe uzibulalele emangweni kuvikelekile bona bangamngenisi ekhaya. Kufanele bamthathe emotjhari banqophe naye emathuneni bayombulunga, begodu nakungubaba namkha umma wekhaya bangamhlabeli litho ngombana angabuyisa umkhokha omkhulu begodu abe mzumu omumbi ebantwaneni bakhe neenzukulwaneni zakhe. Emzinakhe bazase bathenge isitjhebo abantu badle, kodwana nangabe uzibulalele ngendlini umuzi wekhabo loyo kufanele uhlanzwe kukhutjhwe umkhokha wokuzibulala.Â
Nakazibulalele emzinabantu, umuzi wabantu loyo kufanele nawo uhlanzwe umkhokha loyo, bewuhlawulwe.
Kuzakuya ngabanikazi bomuzi loyo bona bafuna ihlawulo yekomo, yembuzi namkha yemali na.
Nawunomfakela mayelana nehlelo lokukuphahla emutwini ozibuleleko, sibawa usithumele umbono wakho ku- [email protected]