Ikosi uClyde Mnisi (37) yase Bohlabela ngaphasi kwe Ehlanzeni District idunyuzwe yabulawa eduze ne Kruger-Mpumalanga International (KMI) Airport noSondarha, mhlana amalanga amasumi amabili nathandathu kuNtaka 2023, ebusuku ngabo 23h10. Kwathi umtjhayeli wayo yena udumuzeke enyaweni, kodwana uyaphila.
Kuya ngombiko wamaPholisa uthi, Ikosi uMnisi nomtjhayelakhe bebasendleleni bakhamba ngekoloyi i-Toyota, lapho bajame khona ngemva kokuvuza kwevilo, Bathe basajamile balinde isizo, kwvele amadoda ahlomile azivale ubuso akhamba nge BMW X5, batjhinga kuye ngekoloyini bamdumuza amahlandla amanengana bewaphangalala.
Umtjhayeli yena uyalatjhwa esibhedlela. Kwathi namaPholisa we White River abikelwe ngesehlakalo lesi, athe nakafikako avula umlando wokubulala.
Akekho obotjhweko, kodwana amapholisa asazumana nababulali.
AmaPholisa abawa loyo ongaba nelwazi abathinte ku: Crime Stop ethi: 08600 10111, nofana nange MYSAPSAPP.
