Kubanjwe utsotsi alelesa emzini othize eMabhoko Village
Namhlanjesi emvakwedina, kubanjwe utsotsi ongene ngaphakathi emzini othileko, eMabhoko Village ngehloso yokweba.
Umsana lo kuzwakele bonyana ngomunye wabotsosi be Vlaaklagte No 1 ngakwaNomavovo, ungene emzini ngokuthi aphule irhalasi nofana ifes’dere. Abantu bomuzi loyo bebangekho, kodwana abomakhelani kuthe nababona isehlakalo lesi bahlaba umkhosi babiza umphakathi.
Umphakathi ubuthene, bamugijimisa wabanjwa wabetjhwa.
Kuthe asabetjhwa kwafika amapholisa ambhopha, amthatha akhamba naye.
Ubugebengu bokuphulwa nokuqhekeza bandile eMabhoko, umphakathi uyayeleliswa bonyana ubambane ukwazi ukulwisana nobugebengu.
